Un persona clasificao como Street Level Individual (SLI) el ya aresta el mga autoridad na un campaña contra droga ilegal na provincia del Zamboanga Sibugay, asegun con el policia del Viernes.
El policia ya nombra con el arestao suspechao como si Alyas Tawsi, 47 años el edad y residente del Purok Uranus, Barangay Bangkerohan, Ipil, Zamboanga Sibugay.
Asegun con el policia, con Tawsi ya aresta na un operacion de compra busto mga alas 10:55 del Lunes denoche na Purok New Jerusalem, Barangay Don Andress, Ipil.
El policia ya habla, ya puede recubri na posesion de Tawsi cuatro transparente sobrecitos plastico de suspechao shabu que tiene el cantidad de P54,400 y dinero de compra busto.
Asegun con el policia, ya conduci el compra busto contra con Tawsi despues de cuantos dias bisiada na mal actividad del arestao suspechao. (B. Garcia)