Un persona ya muri na un incidente de tiro Lunes aga na Barangay Sta. Maria, este ciudad, asegun con el pulisiya.
El Zamboanga City Police Office (ZCPO) Station 7 ya nombra con el victima como si Simal Jadang, 35 años el edad y un nativo de Indanan, Sulu.
Asegun con el pulisiya, con Jadang ya tira el un desonosido armao persona mga alas 5 del lunes aga na “by-pass road”, Barangay Sta. Maria, este ciudad.
Base na investigacion del pulisiya, mga residentes ya uwi lang sila sunor de tiro na un oskuro lugar y nohay sila puede mira si quien el echor del incidente.
Con Jadang ya lleba na hospital for medio de un ambulancia pero ya declara con este muerto el doctor.
Ya recubri tres capsula de calibre .45 pistola na lugar del incidente.
El pulisiya ta continua el investigacion para determina si quien el echor del incidente. (B. Garcia, photo courtesy by April Boy Regino)