El Departamento de Obras Publicas y Carreteras ta implimenta este tiempo tres proyectos de infrastractura que tiene el valor de P115 milyones na ciudad de Lamitan na provincia del Basilan.
El mga proyectos ta incluwi un centro de deportes y edeficio para del consejo del ciudad na Barangay Limo-ok, y dos mga edeficio—el uno na Barangay Sengal y el otro na escuela de elementary del Mabini na Barangay Maganda.
Asegun con el Vice Alkalde Hegem Furigay del ciudad de Lamitan cay P70 million del total alocacion para el mga proyectos estaba na oficina del TGP Partylist Congressman Jose Teves Jr. y el restante P45 milyones estaba na oficina del Senador Aquilino Pimentel III.
Asegun con Furigay cay un grande ayuda el dalida de fondo de canda Teves y Pimentel siendo limitao lang el fondo del Lamitan para na mga proyectos de infrastractura.
Nohay gastos el ciudad del Lamitan y Ministry of Basic, Higher and Technical Education of the Bangsamoro Autonomous Region in Muslim Mindanao puera lang con el mga lote que ya dale sila para onde construji con el mga proyectos.
El ceremonya de “groundbreaking” para el tres proyectos ya ase del biyernes.
(News & photo courtesy by B. Garcia)