El policia local con el suporta del Guardia Costera de Filipinas o PCG ya aresta con un persona acusao na crimen de matansa na pantalan del ciudad, asegun con el policia del Jueves.
Asegun con el Zamboanga City Police Station 11 (ZCPS11), con el arestao persona ya conoce como si Sakib Ganih, un residente del municipio de Omar, Sulu.
Asegun con el ZCPS11, con Ganih ya aresta mga alas 7:25 del Miercoles aga mientras ta abaja ele desde un varco de pasajero na pantalan del ciudad de Zamboanga. El varco estaba na Jolo, Sulu.
Asegun con el policia, si Ganih tiene pendiente orden de aresto sin piansa por el crimen de matansa que ya dale el un corte na Municipio del Parang, Sulu.
Asegun con el policia, el aresto de Ganih ya vene despues que ya columbra conele ya munta varco desde Jolo para aqui na ciudad de Zamboanga.
Con Ganih pone bajo’l custodia del ZCPS11 para el propio disposicion.
Puero con el PCG, el policia ya aresta con Ganih con el suporta tamen del Task Force Zamboanga y policia del pantalan. (B. Garcia)