Un 20 años persona el ya iri na un incidente de bomba na ciudad de Lamitan, provincia de Basilan, asegun con el policia del Miercoles.
Asegun con Police Lieutenant Colonel Arlan Delumpines, el jefe del policia na ciudad de Lamitan, el incidente ya ocuri mga alas 6:47 del Martes denoche na un estacion de gasolina na Barangay Matibay.
Asegun con Delumpines, el victima ya iri porcausa cay ta pasa le na vicinidad del estacion de gasolina cuando ya rebenta el bomba.
Ya habla si Delumpines, grande el posibilidad extorcion el motivo del incidente por causa ya informa canila si Bonjin Mateo, el dueño de estacion de gasoline, cay ya recivi le carta de extorcion del otro mes.
Asegun con Delumpines, ya recubri sila na lugar del explosion parte del bomba que ya inclui un detonador, bacteria de nueve voltaje, y desiduos de polvo.
Si Hadjiman Hataman-Salliman, el gobernador del Basilan, ya condena con el incidente y ya diriji con el fuerza de seguridad para investiga completamente con el incidente.
Si Furigay ya apela con el mga Lamiteños para esta calma y vigilante mientras el mga autoridad ta esta controla con el situacion.
Ya ase llamada si Furigay con mga residentes para ensguidas reporta na policia o militar algun presencia de suspechoso individual o abandonao bagaje na de ila respetivo comunidad. (B. Garcia)