Un persona clasificao como un “watchlisted” y “high-value target (HVI)” el ya aresta el mga autoridad y ya confisca valor de P680,000 droga ilegal na campaña contra droga aqui na ciudad, asegun con el policia local del Lunes.
El policia local ya nombra con el arestao suspecho como si Noel Lagasca, 54 años el edad y residente de Barangay Tumaga, en este ciudad.
Asegun con Police Colonel Alexander Lorenzo, el Zamboanga City Police Office (ZCPO) director, con Lagasca ya aresta na un “buy-bust operation” mga alas 10:39 del Domingo aga na Paseo de Nangka, Barangay Baliwasan, en este ciudad.
Asegun con Lorenzo, ya puede recubri na posesion del suspechao cien gramos de suspechao shabu enpaketao na dos grande bolsa-bolsa de plastic que tiene el valor de P680,000, un balutan de 59 pedaso de P1,000 “boodle money” que ya pone insima un verdadero P1,000 como markao sen.
Si Lorenzo ya habla detenido el suspechao en preparacion para el plantada de asunto na jusgado contra conele. (B. Garcia, photo courtesy of ZCPO)