Siete personas, incluido tres bata, el ya iri na un accidente vehicular na coast oeste del ciudad, asegun con el policia local del Lunes.
Asegun con el policia local, el accidente ya ocuri mga alas 3 del Domingo tarde na Barangay Maasin na costa oeste del ciudad.
El policia ya nombra con el mga victima como el siguientes: Lim Buclao, 44 años el edad; Aljim Buclao, 9; Khadija Pua, 20; Sadiya Sakilin, 16; Emma Saiwuddin, 19; Naseca Buclao, 1; y, si Nehma Buclao, 32.
Asegun con el policia, el mga victima muntao na un vehiculo de tres rueda mas conosido como el “Piaggio” de camino pa bolbida cuando ya man baliskat sila despues que ya perde control si Lim con el manibela.
El mga victima estaba baña na rio de Dumalon na Barangay Tulungatung antes del accidente.
Con el mga victima ya lleva na hospital para el curada medical. (B. Garcia)