Mas o menos un hectaria de sacatal el ya quema na un arbusto incendio na uno del mga barrio aqui na ciudad de Zamboanga, asegun con el bombero y policia del Viernes.
Asegun con el bombero, el incendio ya principia mga alas 12:14 del Jueves tarde na Paseo de Antipolo, Barangay Tumaga, en este ciudad.
El bombero ya puede completamente apaga con el incendio, que ya alcansa na primer alarma, mga alas 12:49 del tarde del mismo dia.
Base na investigacion del policia, el fuego ya principia porcausa ya man calayat el brasa donde ta ase carbon.
El bombero ya habla nohay casualidad y propiedad el ya destrosa por causa todo sacate el ya quema. (B. Garcia, photo courtesy of Zamboanga City Fire District)