28.7 C
Manila
Monday, April 22, 2024

Zamboanga: 2 arestao na separao campaña contra droga

- Advertisement -

Dos personas sin trabajo ya aresta el mga autoridad na separao campaña contra droga ilegal aqui na ciudad y na provincial del Zamboanga Sibugay.

El autoridad ya nombra con el dos arestao suspechao como canda Wilfredo Ramos, 43 años el edad, y residente del Zone 3, Barangay Tulungatung, en este ciudad, y si Jarryl Modapil, 26, un residente de Purok Nangka, Barangay Compostela, Buug, Zamboanga Sibugay.

Asegun con el policia local, con Ramos ya aresta na un “buy-bust operation” mga alas 12:56 del Viernes aga na Zone 3, Barangay Tulungatung, en este ciudad.

Asegun con el policia, ya puede recubri na posesion de Ramos 1.75 gramos de suspechao shabu enpaquetao na tres sobrecitos que tiene el valor de P11,900, un portamoneda, dos pedaso markao sen de P100.

Asegun con Maharani Gadaoni-Tosoc, el director regional del Philippine Drug Enforcement Agency (PDEA), con Modapil ya aresta na buy-bust operation mga ala una del Jueves tarde na Purok 30 A, Barangay Poblacion, Buug, Zamboanga Sibugay.

Asegun con Gadaoni-Tosoc, el mga personajes del PDEA y policia ya recubri na posesion de Modapil suspechao shabu que tiene el valor de P3,400, un motorciclo, un celpon, P700 dinero de diferentes denominacion, y markao dinero.

Ya detene con el mga arestao suspechao en preparacion para el plantada del asunto contra canila por violacion del Comprehensive Dangerous Drugs Act of 2002. (B. Garcia, photo courtesy of PDEA-9)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -