General Santos City – Nagpahinumdom ang Department of Health kon DOH-12 sa publiko sa possible nga daut nga epekto dungan sa pag-igo sa El Niño phenomenon sa nasud.
Sa abiso nga gipagawas sa ahensya, angay magdoble sa pag-amping sa mga sakit nga possible nga masinatian tungod sa tumang kainit sama sa dengue, chikungunya, cholera, heat stroke, typhoid fever, paralytic shellfish poisoning ug leptospirosis.
Nagpahinumdom usab ang ahensya sa publiko nga gilayon nga magpakunsula sa healthcare providers ugaling nga nakasinati sa mga health-related concerns tungod sa tumang kainit sa panahon.
Kahinumduman nga una nga gibutyag sa PAGASA nga gilauman ang dakong epekto nga ibilin sa El Niño sa nasud sugod sa bulan sa Mayo ning kasamtangan nga tuig. (Geovanni Pasco)