Un miembro del Bangsamoro Islamic Freedom Fighters (BIFF) el ya muri na sinco minutos tirahan contra con mga soldao na Maguindanao del Sur, asegun con el militar del Lunes.
Asegun con el 6th Infantry Division (ID), el tirahan ya ocuri del Sabado na Barangay Butilen, Datu Salibo, Maguindanao del Sur.
Asegun con el 6ID, el tirahan ya socede despues que ya dale encuentro el mga soldao con un grupo de BIFF cuando ya conduci sila ofensiva siguiendo el informacion del mga residentes aserca el presencia del mga miembros del BIFF, quien tiene pendiente orden de aresto y envuelto na actividades de extorcion y otro actos ilegales.
El mga soldao ya recubri un pusil, un celpon y mga explosivas del mga terorista BIFF.
Si Major General Alex Rillera, el comandante del 6ID, ya asegura con el comunidad cay el primaria objeto del ofensiva amo para proteje con el mga vivientes na amenaso de seguridad del mga terorista.
Ya asegura tamen si Rillera cay lejos el ofensiva na mga lugar residencial maskin ta precura mga terorista desvia con el mga soldao y esconde na mga comunidades pobladas. (B. Garcia)