Cuatro suspechao el ya aresta cuando ya desmantela mga autoridad un cuarto de droga ilegal na Bangsamoro Autonomous Region in Muslim Mindanao (BARMM), asegun con el Philippine Drug Enforcement Agency (PDEA) del Lunes.
Si Gil Cesario Castro, el director del PDEA-BARMM, ya identifica con el mga arestao suspechao como canda Mohamar Mohammad, el mantenedor del cuarto de droga ilegal; Junry Riman; Armiya Roman; y si, Regina Mamalinta.
Asegun con Castro, con el mga suspechao ya aresta na un operacion de compra-busto que ya resulta na desmantelada del cuarto de droga ilegal del Jueves na Barangay Tamontaka Mother, ciudad de Cotabato.
Si Castro ya habla, ya confisca na cuarto de droga ilegal 15 gramos de suspechao shabu que tiene el valor de P102,000, dinero de compra busto, varias parafernales de droga, un celpon, y diferentes clase de tarjetas de identificacion.
Ya habla si Castro, con el mga arestao suspechao ya detene na carcel del PDEA-BARMM en preparacion para el plantada del caso contra canila por violacion del Ley Integral de Drogas Peligorsas de 2002.
Si Castro ya habla, con el mga suspechao ya aresta el mga agentes del PDEA-BARMM con el suporta del policia del ciudad de Cotabato. (B. Garcia)