Davao City – Arestado ang usa ka government employee human gikasa sa mga samop sa Davao del Norte Provincial Office, Philippine Drug Enforcement Agency Regional Office XI uban ang Carmen Municipal Police Station ug Davao del Norte Provincial Mobile Force Battalion sa Purok 6, Barangay Alejal, Carmen, Davao del Norte.
Giila ang dinakpan nga si alyas Jude, 34, ug molupyo sa maong dapit Lakip sab sa nasikop ang iyang alalay sa alegasyong drug den nga giilang si alyas Onin ug laing upat ka mga bisita nga sila alyas Endo, alyas Ryan, alyas Dolfo, ug usa ka alyas Dante nga gikabutyag nga usa ka emplyado sa Local Government Unit sa Carmen.
Muabot usab sa kapin P9,000 pesos ang shabu nga nakuha. Sa karon, himas rehas ang dinakpan ug mag-atubang sa kadong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: PDEA XI)