Dandani 10 a milyon a pisos ti naibunong manen ni Gobernador Mathew Marcos Manotoc kadagiti drivers and operators iti Batac City iti Imelda Cultural Center.
Daytoy ket kalpasan nga indanon manen ti gobernador iti “MINC-Manayon a Tulong Pasada” kadagiti 3,205 a tricycle drivers and operators iti a rehistrado iti Metro Ilocos Norte Council (MINC) iti kapitolio probinsial.
Napunduan ti nasao a programa babaen iti Metro Ilocos Norte Council nga idadaulwan ni Atty. Nikki Pilar.
Tallo ribu a pisos ti inawat iti tunggal maysa a recipients kas tulong pay laeng ti gobierno probinsial kadakuada gapu pay laeng iti awan sarday na a panagngato iti presyo dagiti produkto ti petrolyo.
Ti pundo ket aggapu pay laeng iti provincial government of Ilocos Norte. Impasigurado ti gobernador nga agtultuloy iti ipapaay a saranay ti probinsia kadakuada agingga nga isuna iti ama ti probinsia. (Irene Ringor)
(Source: Provincial Government of Ilocos Norte)