Un “street level individual” suspechao de droga ilegal el ya aresta el maga pulis enantes madrogada na Barangay Tetuan, este ciudad.
Si Police Major Sonny Boy Perez, el hefe del Police Station 6, ya nombra con el arestao suspechao como si Clyde Pecato, 33, años el edad y residente de Barangay Putik, este ciudad.
Asegun con Perez cay con Pecato ya aresta na un buy-bust operation maga alas 12:47 del madrogada enantes na calle Roberto Villares, Tetuan.
Ya puede recubri na posesion de Pecato suspechao shabu que tiene el cantidad de P3,400 y P200 markao sen.
Detenido ahora si Pecato myentras ta prepara ya mga documentos para planta asunto contra conele por violacion de leyes contra droga ilegal. (B. Garcia)