General Santos City – Magsilbi matud pa 1-stop shop alang sa assistance services sa local government unit (LGU) ning syudad sa General Santos ang AMPING (Auxillaries and Medical Program for Individuals and Needy Generals) Office.
Kana ang gikabutyag ni Gensan City Mayor Lorelie Pacquiao, Sabado nang udto (Mayo 6, 2023) atubangan mismo sa midagsa nga mga kliyente sulod sa AMPING OFFICE nga mapalgan sa 1st Floor sa GenSan Training Center Bldg. Roxas street, General Santos City.
Kini aron dili na mahasol ang mga kliyente sa AMPING Program sa pag-adto sa ubang mga buhatan o Ahensiya sa Gobyerno aron sa pagpangayo og dugang hinabang alang sa Hospital Bills, Medicine assistance ug Funeral assistance.
Matud sa Alkalde, ang pikas nga bahin sa ground floor sa kasamtangang buhatan sa AMPING himo-on matud pa kining Assistance center sa DSWD-Department of Social Welfare and Development Office nga gahatag sab og hinabang ngadto sa mga kliyente o pasyenteng kabus.
Gawas niini, gikatakda sab nga ibalhin sunod semana ang buhatan ni Gensan lone District Congressman TON-TON ACHARON ngadto sa 2nd floor sa Gensan Training Center Bldg. aron mapadu-ol sab kini sa AMPING Office. (Fred Degala)
Pwede pa ba mangayo ug tabangan.. Billing sa hostpital