El pulisiya local ya aresta con un persona y ya confisca un trak por violacion del ley que ta governa con el sacada arena na canto’y aplaya (illegal quarrying).
Si Police Major Wilfredo Palamos, el hefe del Zamboanga City Police Station 9 (ZCPS9), ya nombra con el arestao persona como si Jerry Salvador, 30 años el edad y residente del Sitio Bataan, Barangay Vitali, es este ciudad.
Asegun con Palamos con Salvador ya aresta mga alas 9 del Martes denoche na carritera del Barangay Talisayan, na costa weste de este ciudad.
Asegun con Palamos puera con el delito de illegal quarrying, nohay pa tamen pertinente papeles el trak ta maneja si Salvador.El trak que ta contene 13 metros cubicos de arena y grava ta esta bajo el custodia del ZCPS9.
Asegun con Palamos el asunto ay referi sila para na Oficina de Medio-Ambiente y Recursos Naturales del Ciudad para el propio accion. (B. Garcia, photo courtesy of ZCPS9)