Davao City – Gidala sa Bureau of Jail Management and Penology ang usa ka Christmas tree diin gisab-it ang wishlist alang sa Pasko sa mga piniriso o Person Deprived of Liberty sa bazaar sa usa ka mall sa Davao City.
Kini ang gihimong lakang sa BJMP aron nga mahatagan og katumanan ang mga simpleng buot madawat sa mga PDL karung holiday season.
Gi-awhag usab nila ang mga dabawnyo nga musuroy sa mall nga mukuha og usa ka dahon sa Christmas tree og ihatag ang anaa sa wishlist.
Mga simpleng hangyo sama sa pagkaon, hygiene kits, toiletries, dulaan para sa ilang anak, pagkaon sa ilang pamilya ug uban pa.
Gi-display sab og apil ang mga produktong gama sa mga inmates sama sa wallets, bags, accessories ug alkansya o money bank. (Camille Santos Naraga)
 (Source: BJMP XI)