Cebu City – Gitinguha sa kagamhanan sa Dakbayan sa Sugbo nga maka kab-ot ug win-win solution sa tanang stakeholders ug sa pag balanse sa interest sa medical ug economic sectors alang sa pagpakig batok sa pandemya.
Subay niini, nakigtagbo si Cebu City Mayor Edgar Labella sa mga Officials sa Mactan-Cebu International Airport Authority, Philippine Coast Guard Cebu ug local airlines and shipping companies, Biyernes, Nobyembre 20, 2020.
Kini aron pag tuki sa implementation sa bag-ong giluwatan ni Labella nga Executive Order.
Matod sa mayor nga labing importante sab nga ma balanse ang kinabuhi sa katawhan ug ang panginabuhi niining panahona.
“Mapasalamaton kaayo ko sa mga mitunga nga mga hingtungdan kay atong nasuta ang baruganan sa matag usa,” padayag ni Labella.
Nakita sa mayor nga ang pagpaminaw sa tagsa tagsa ka panan -aw makab ot nila ang gikinahanglan nga adjustment sa implementing guidelines.
Lakip sa gituki mao ang pagpa hugot sa internal health protocols ngadto na sa ka barangayan samtang ipadayon ang pagbantay sa borders. (Jhon Tadlip/JTY)
(Source & photo courtesy by Edgar Labella Facebook page)