Way Byahe Sa Mga Barko Sa Lugar Nga Apektado Ni Super Typhoon Rolly Ug Siony

Cebu City – Gipatuman sa Coast Guard Cebu Station ang pagpasuspenso sa byahe sa mga barko ug tanang matang sa sakyanan sa kadagatan isip pagpakgang sa maritime accident nonot sa hulga ni super typhoon Rolly ug Siony sugod, Nobyembre 1, 2020.

Matod ni Coast Guard Station Central Cebu  Commander Alvin B. Dagalea ang apektado nga mga byahe mao ang mga mosonod ubos sa:

• Signal No. 5 Albay ug Camarines Sur;
• Signal No. 4 Camarines Norte, Rest of Camarines Sur, Northern portion sa Sorsogon, Burias Island, Quezon, Batangas, Marinduque, Northern portion sa Romblon, Catanduanes, Mindoro, Cavite, Metro Manila;
• Signal No. 3 The Rest of Sorsogon, Northern portion sa Masbate, Batangas, Ticao Island, Polilo Island, Bataan, Southern portion sa Zambales, Central portion sa Romblon, Pampanga, Northern Samar;
• Signal No. 2 Aurora, La Union, Pangasinan, The rest of Zambales, The rest of Romblon, Masbate, Northern Portion sa Eastern Samar, Northern portion sa Antique, North-western portion sa Aklan;
• Signal No. 1 Isabela, Ilocos Norte, Ilocos Sur, Calamian Island, Aklan, Capiz, Northern portion sa Iloilo, Northern portion sa Cebu ug Northern portion sa Leyte.

Subay sa maong kamanduan, ilibkas kini sa higayon nga mo arang arang na ang dagan sa panahon ug ang kondisyon sa kadagatan sa mga nahisgutang lugar.

Hinoon, kadtong mga sakyanan nga nagtinguha nga mopasalipod sa usa ka lugar tugtan kini nga maka larga, basta dunay kini written request ug way pasahero nga sakay.  (Jhon Tadlip)

(Source: Coast Guard Station Central Cebu)