ANG konseho sa syudad ubos ni bise mayor Kikang Uy hugot nga mihangyo sa Department of Science and Technology (DoST-10) nga masuportahan ang gipahigayong pagtuon sa pipila ka researchers sa University of Science and Technology of Southern Philippines (USTP).
Kini human gisagop sa konseho sa sesyon niadtong Lunes ang resolosyon nga paborableng nagrekomendar alang sa posibleng sponsorship sa pagtuon kalabot sa “Water Security: A Major concern on the Metropolitanization of Cagayan de Oro”.
Si konsehal Ian Mark Nacaya, chairman sa komite sa planning and development ug laws and rules ug nagpaluyo sa gisagop nga resolosyon, mibutyag nga ang maong pagtuon gihimo nila ni Frances Thaise Cimene, PhD ug Horacio Factura sa USTP.
Matod niya nga angayang suportahan ang maong pagtuon tungod ang resulta niini makatabang og dako dinha sa pagpanday sa mga gikinahanglang lakang alang sa kalampusan sa gilaraw nga metropolitanization sa Cagayan de Oro. (SP)