Cebu City-Dead-on-arrival sa tambalanan ang usa ka sakop sa Bureau of Jail Management and Penology kon BJMP Danao City dihang gi-ambush sa walo ka tawo atubangan sa mismo BJMP-Danao City building sa Barangay Dunggo-an Danao City alas 10:30 kagabii, Enero 14, 2021.
Giila sa kapolisan ang biktima nga si Jail Officer 2 Reymond Roble Vasquez, 34 anyos,taga Barangay Cogon Cruz, Danao City.
Suma ni Police Lt. Col. Maria Theresa Macatangay ang hepe sa Danao City Police Station nga ang biktima gi-ambush sa walo ka mga tawo atubangan sa BJMP Danao; ang mga mamumuno sakay sa upat ka motorsiklo dihang si Vasquez diha sa sud sa iyang multicab.
Naigo sa lainlaing parti sa lawas ang biktima hinungdan sa iyang kamatayon.
Nag una sa gisubay sa kapolisan nga motibo ang kalambigan sa trabaho ug possibling personal grudge. l via Jhon Tadlip, Renante Lada
Source/Photo : Danao City Police Station