Walo nasawi, 18 sugatan sa pag-atake sa Rwanda

Nasawi ang walo katao habang 18 naman ang sugatan sa pagsalakay ng mga hindi pa kilalang mga armadong kalalakihan sa hilagang bahagi ng Rwanda.

Ayon sa mga otoridad, nangyari ang pag atake sa Musanze District na naturang tourist destination sa lugar.

Napagalaman rin ng mga otoridad na itak ang ginamit sa pagpaslang sa anim na katao habang binaril naman ang dalawa pa.

Samantala, target umano ng mga rebeldeng Rwandan mula sa Democratic Republic of Congo ang nasabing lugar.