Aktibong mangangampaniya si Vice President Leni Robredo para sa pambato ng Liberal Party (LP) sa Mayo 2019 elections.
Ito ang kinumpirma ni Senador Francis Pangilinan, LP president.
Ayon kay Pangilinan, nag-commit na si Robredo na tutulong sa pangangampaniya ng senatorial bets ng kanilang partido.
Bibigyan umano nila ng pansin sa pangangampaniya ay ang mga isyung hinggil sa pagtaas ng presyo ng bilihin, TRAIN law at kontraktwalisasyon.
Ipinabatid din ng senador na nakatakda nilang ilabas ang kanilang opisyal na line up sa Oktubre 9 dalawang araw bago magsimula ang paghahain ng certificate of candidacy (COC).