Saan nga agsarday iti panagtiliw ti pilisia kadagiti agsalsalungasing kadagiti naiyetnag a apglintegan gapu iti covid-19.
Segun kenni Ilocos Norte Provincial Director Senior Supt. Christopher Abrajano, dandani dua ribu ti bilang dagiti natiliw da sipud nangrugi iti ECQ, MECQ ken GCQ ditoy Probinsia agpapan Agusto 10.
Kunana a karamanen ditoy dagiti natiliw nga awanan iti facemask, panaglabsing ti social distancing, curfew ken liquor ban.
Kaaduan kadagiti natiliw ket taga Laoag City ken kabangibang nga ili.
Inpalgakna nga agtultuloy ti panagawat da iti reports manipud kadagiti maseknan nga umili a mangidandanon kadagiti masiiman da a saan nga agtultulnog kadagiti minimum health protocols ken naaprobaran ti ordinansana wenno resolusion ditoy probinsia.
Maipalagip nga adda iti binukel ti INPPO nga advocacy groups ken adda iti website wenno facebook page da a pagireportarandagiti concern citizens dagiti masiiman da nga aglabsing ken saan nga agtultulnog kadagiti naiyetnag a direktiba.
(Rodrigo Sadian, RPN DZRL Batac OIC)
(Source: Provincial Government of Ilocos Norte)