Usa patay, usa samdan sa pagpamusil sa Sitio Lintuang, Brgy. Cambinocot, Cebu City

0
9
photo credits to the owner

Nagkaob daplin sa kalsada ug wala nay kinabuhi ang usa ka pasahero sa motorsiklo, samtang ang driver samdan sa bukton ug daling gidala sa tambalanan, human sila gipamusil sa nag-inusarang mamumuno, kagahapon alas 2:00 ang takna sa hapon, Hunyo 7, didto sa Sitio Lintuang, Brgy. Cambinocot bukirang barangay sa dakbayan sa Sugbo.

Ang namatay nga nag lunang sa kaugalingong dugo, giila sa kaipon ug igsoon niini nga si Juji Goc-ong Batican, 29 anyos, lomulopyo sa Brgy. Lusaran silingang barangay sa nahitaboan.

Ug ang drayber sa motorsiklo nga naa karon sa tambalan ug nakaangkon ug samad pinusilan mao si Clyde Bitoon Morre, 25 anyos, Taga Brgy. Basak, Compostela Cebu.

Nasayaran nga gisundan ang duruha sa nag inusarang suspek nga luwan usab ug motorsiklo, pag abot sa maong dapit gitimbaya pa sa suspek ang mga biktima aron mohunong, diha diha gipusil gilayon sa suspek makaduha ka higayon ug naigo ang buko-buko ni Batican hinungdan sa iyang hinanaling kamatayon samtang samdam sa tuong bukton si Morre.

Bisan ug naghigwaos ug nag lisod na sa pag ginhawa ang namatay, nakasulte pa kini ngadto kang morre, sa pangalan sa suspetsado kinsa mipusil kanila.

Wala gisalikway sa kapulisan ang “personal grude” ang anggulo nga motibo sa pagpamusil. Ug giingon usab nga taod taod nang nakadawat og pagpang hulga si Batican .

Padayon pang gipangita sa kapolisan ang suspek, sanglit dali kining misibat human niya nabuhat ang maong kremin.

Sa laing bahin, gikan usab sa kasaligang tinubdan sa kaubanan nato sa buhat, Matud pa kagahapon sa hapon, ang suspek nananghid pa sa iyang igsoon nga ipaatiman ang iyang pamilya labina ang iyang anak, kay mosibat siya kay siya nakasala. (Ting Joe Pepito l Renante Socia Lada)

Leave a Reply