Davao City – Narescue sa kapulisan sa Toril Police Station ang usa ka menor de edad sa Lizada, Davao City human gikasa ang drug buy-bust operation.
Giila ang na-rescue nga menor edad nga si alyas Dodong.
Sumala sa report, napalitan ang menor de edad ug iligal nga druga sa usa ka nagpaka-arong ingnun nga poseur buyer.
Dugang niini, nakuha sa posisyon sa dinakpan ang upat ka mga supot nga iligal nga druga.
Dali usab nga giendorso sa kapulisan ang menor de edad sa WCPD sa Toril Police Station.
Sa karon, hugtanong gipahimangnuan sa kapulisan ang mga menor de edad nga likayan nga malambigit sa iligal nga druga aron nga dili maguba ang kaugmaon niini. (Camille Santos Naraga)
(Source: Toril PNP)