Davao City – Usa ka patay’ng lawas ang nakita sulod sa usa ka itom nga sakyanan asa naka parking sa Hilltop, Brgy. Langub, Davao City.
Giila sa kapulisan ang biktima nga si alyas Chris, lalaki, 25 anyos ug residente sa South Pacific Subdivision, Catalunan Pequeño, Davao City.
Base sa report, naila sa kapulisan ang biktima pinaagi saiyahang driver’s license.
Dugang niini, nga usa ka vendor ang nakakita nga giparking pa sa biktima ang iyahang sakyanan pasado alas 2:00 sa hapon sa dihang pipila ka oras na ug nasuta nga anaa ang biktima sulod sa sakyanan ug wana kini magginahawa.
Dali nga mitawag ug tabang sa central 911 ang mga residente sa giingong dapit aron nga ma rescue apan patay na nga naabtan ang biktima.
Sa karon, wala pay gipagawas nga impormasyon mahitungod sa kamatayon sa biktima. (Camille Santos Naraga)
(Source: PRO XI)