Planplanwen ti Department of Trade and Industry iti panagbisita kadagiti pagtagilakuan iti lato-lato gapu iti madi nga epekto iti salun-at ken iti naidumduma nga angot ken iti pannakaaramid daytoy.
Segun kenni DTI ilocos Norte Provincial Director Amelia Galvez, possible a makikoordinar da iti Food and Drug Administration para ti panagmonitor da seknan ti lato-lato.
Maipalagip a nangiparuk-at ti FDA ti Public Health warning mainaig iti unlabeled green lato-lato, pro-clackers (lato-lato) nga addaan ti silaw a mailaklako iti maysa nga online shopping platform nga awanan ti certificate of product notification.
Kinuna ti FDA a ti di autorisado nga ay-ayam a produkto ket mabalin a mangpataud kadagiti peggad iti salun-at kadagiti konsumidor.
Imbalakad pay ti ahensia kontra kadagiti posible a peggad ti di autorisado a lato-lato, paka’ramanan ti endocrine disruption ken reproductive wenno developmental effects kasta met ti pannakadangran wenno pannakapukaw wenno pannakapukaw ti anges gapu iti babassit wenno naburak a paset daytoy. (April Joyce Gonzales)
(Source: DTI Ilocos Norte)