Davao City – Sikop sa hiniusang pwersa sa Task Force Davao ug Davao City Police Office ang usa ka lalaki human nagdala og illegal nga droga pasulod sa dakbayan.
Giila ang suspek nga si Johndemar Baclay, 36 anyos, minyo ug residente sa Purok 1, Lurugan, Valencia City, Bukidnon.
Subay sa report, nadakpan ang maong suspetsado human kini nagdalag shabu nga motimbang og 3.93 grams nga adunay kantidad og PHP 62,000.00 sa AFP-PNP Border Control Point sa Lacson, Calinan, Davao City sa nilabayng adlaw.
Atol sa gilusad nga mandatory checkpoint inspection nakuha usab ang pipila ka mga drug paraphernalia.
Nakakustodiya na karon sa Calinan Police Station ang maong dinakpan aron atubangon ang kasong kalapasan sa R.A. 9165 kon comprehensive dangerous drugs act of 2002. (Camille Santos Naraga)
(Source: PNP)