Davao Del Sur – Himas rehas karon ang usa ka lalaki human gikasa sa mga personahe sa Digos City Police Station ang Search Warrant sa pagpanguna ni Police Captain Diosdado Niones II ubos sa supervision ni PLt. Col. Hamlet Lerios kauban ang mga sakop sa RPDEU 11, PDEU/PIU, PDEA 11, PNP-PDEG SOU11, RIU-PIT Davao del Sur and 1st COY DSPMFC sa Chapter 7, Brg∂y. Aplaya, Digos City..
Target sa Search Warrant nga gi-issue ni Hon. Judge Carfelita B. Cadiente-Flores, Executive Judge, RTC, Digos City ang dinakpan nga si Regor Albaña Mendez alyas Goryo 39-anyos ug residente sa maong lugar.
Sumala ni Police Captain Niones II, nga atol sa Search nakuha sulod sa balay ni Mendez ang 6 ka mga pakete sa gituohang shabu, usa ka plastic ug 3 ka aluminum foil nga may shabu residue ug usa ka .38 Caliber homemade revolver nga may 4 ka mga bala.
Dugang niini nga anaa sa 1.8grams ang gidaghanon sa mga illegal nga druga kantidad og P27,000.
Sa karon, ang suspek mag-atubang og kasong pagsupak sa RA 9165 ug RA 10591 Illegal Possession of Firearms. (Camille Santos Naraga)
(Source: Digos City Police Station)