Pagadian City – Patay ang usa ka lalaki human kini ang gipusil sa usa ka gunman didto sa may FS Pajares Avenue, Barangay San Jose Pagadian City niadtong Hunyo 18 alas 10 kapin sa buntag.
Gaila ang biktima nga si Khareem Ricablanca Abas, 29 anyos, ulitawo ug lukulupyo sa Purok Madasigon Barangay Bulatok Pagadian City.
Base sa inisyal nga imbestigasyon sa Pagadian City Police Station nga sakay ang biktima sa single motor niini nga raider 150, kolor blue ug nagdala sa plaka numero 092001 byahe gikan sa ilang panimalay ug pag-abot sa lugar hitabuan, kalit lamang kining gipusil sa suspect sa makadaghan nga higayon hinungdan nga nawad an kini ug balanse ug nahulog daplin sa karsada.
Naka-angkon ug 3 ka igo pinusilan ang biktima sa likod nga bahin sa iyang lawas, usa ka igo sa tiyan ug usa ka igo sa tuo nga bahin sa iyang abaga. Narekober sa crime scene ang 4 ka baseyo sa bala nga gituohang gikan sa 45 nga calibre sa armas.
Dali gilayon kining gidala sa balay tambalanan apan wa madugay, namatay sab kini.
Gibutyag sa pamilya sa biktima nga bag-ohay palang kining naabot gikan abroad ug wala matud pa kini kontra o kalalis maong dako ang katingala niini sa nahitabo sa biktima.
Gilantaw nga love triangle ang nakitang motibo sa pagpamusil sa biktima.
(Diocsil Sanico, RPN DXKP Pagadian OIC, photo courtesy of Wendel Cabrera)