Davao City – Sikop ang usa electrician human gikasa sa mga sakop sa Station Drug Enforcement Team sa Mandug Police Station ang anti-illegal drug operation.
Giila sa kapulisan ang dinakpan nga si Nelson Larena Marcelo, 23 anyos, ug lumulupyo sa Purok Santiago, Barangay Indangan, Davao City.
Sumala sa report, pasado alas 6:10 kagahapong adlawa nasikop ang suspek asa nakuhaan ug usa ka sachet nga adunay sulod sa gituohang marijuana nga mo-balor P500 pesos nga maoy gigamit nga marked money.
Nakuha usab sa posisyon sa suspek ang laing plastic sachet nga adunay sulod sa gituohang marijuana.
Sa karon, paslak sa Mandug Police Station ang giingong dinakpan. (Camille Santos Naraga)
(Source: Mandug Police Station | PIO DCPO)