Padada, Davao Del Sur – Sikop ang usa ka lalaki human gikasa sa kapulisan ang joint drug buy-bust operation sa Davao del Sur,
Giila sa mga kapulisan ang suspek nga si alyas “DODZ” 36 anyos, residente sa Purok 4, Lower Katipunan, Padada.
Nasikop ang suspek human mapaliti sa poseur buyer nga pulis og 1 sachet nga naay sulod sa gidudahang shabu sa joint drug buy-bust operation sa kapulisan Padada ug ubang Unit sa mga pulis sa probinsiya sa Davao Del Sur sa Purok 7, Quirino District, Padada.
Naa pay gitipigan nga 1 pa ka sachet nga naay sulod sa gituohang shabu ang suspek nga nakuha sa mga pulis.
Mobalor tanan sa 6,800 pesos ang napalit ug nasignit nga illegal nga droga gikan sa suspek nga gikonsidera sa mga pulis nga Street Level Individual sa illegal drugs. (Camille Santos Naraga)
(Source: Padada MPS)