Pinaigetan ni Gob. Matthew Marcos Manotoc ti panagbantay kadagiti border ti probinsia saan laeng a gapu iti COVID – 19 ngem gapu iti kalikagumna a mapagtalinaed nga ASF Free ti probinsia.
Mainaig iti daytoy, inlawlawag ni Provincial Veterinarian Dr. Loida Valenzuela a babaen iti panagbinnulig ti opisinada ken ti Metro Ilocos Norte Council ket naminduan adaras nga adda dagiti natiliw a cargo truck a bagkarga ti karne ti baboy.
Impalgakna nga iti napalabas a tallo a lawas ket umab-aboten iti uppat a gasut a kilo a karne ti baboy ti nakunpiska.
Inlawlawag ti Provincial Veterinarian nga iti agdama ket adda pay laeng dagiti nakunpiskar a karne iti opisinada.
Nupay kasta, kunana nga adda ti balakad ni Provincial Legal Officer Atty. Erme Labayog a mabalinen a maikali wenno mapuuran dagiti nasao a karne.
Inbunannagna a dagiti dua a naud-udi a nakunpiskar ket dinisisyonan ti Veterinary Office ti siudad ti Batac ken Laoag a maiwalinen dagiti nasao a karne.
Innayonna a ti siudad ti Batac ket inkeddengda a maikali ken mapuuran ken adda posibilidad na a kastoy met ti inaramid ti siudad ti Laoag. (Irene Ringor, RPN DZRL Batac Correspondent)
(Source: Provincial Government of Ilocos Norte)