Cebu City – Giisyohan sa Department of Trade & Industry o DTI-7 ang upat ka mol sa Sugbo og notice of warning tungod sa paglapas sa health & safety protocols nga gisitar sa IATF o Inter-Agency Task Force.
Si Ines Cajegas, hepe sa consumer protection division DTI-Cebu, miingon nga sagad sa maong mga mol nakalapas sa social distancing policy.
Hinuon, wala itug-an ni Cajegas ang ngan sa nahisgotang mga mol.
Gitataw ni Cajegas nga human maisyohi og warning mituman dayon ang mga mol sa mga lagda.
Gipasabot sa opisyal sa DTI Cebu nga usahay molugak ang mga mol pagtuman sa protocol apan kon ila nang pasidan-an – verbal man og written – mosunod dayon kini.
Giangkon usab ni Cajegas nga usahay gahi og ulo ang tawo nga dili ug mosunod sa health protocols sama sa pagsul-ob og face mask ug face shield ug pagtamod sa social distancing policy.
Midugang si Cajegas nga ang mga mol mitug-an nganagkuhasilagdugangmarshalls.
Subay niini, giawhag ni Cajegas ang publiko pagtuman sa health and safety protocols aron di usab mameligro sa coronavirus ang ubang tawo. (Jhon Tadlip/JTY, photo courtesy of DTI – 7)
(Source: DTI – 7)