31.9 C
Manila
Thursday, March 28, 2024

Upat ka mga giingong sakop sa Rebelding NPA nadakpan sa Oplan Paglalansag Omega sa CIDG ug Kasundaluhan

- Advertisement -

Davao City –   Malampusong nadakpan sa hiniusang pwersa sa Criminal Investigation and Detection Group Southern Mindanao Region, 71st Infantry “ Kaibigan” Batallion ug Pantukan Municipal Police Station ang upat ka mga giingong sakop sa Rebelding New Peoples Army atol sa gipatuman nga OPLAN Paglalansag Omega.

Giila ang mga dinakpan nga sila si Wilben Bundaran Digno, Eddie Bantilan Avila, Elmero Pond Lariwan ug si Casiano Regidor diin nakuha usab sa ilang posisyon ang usa ka Unit sa Smith and Wisson Cal .38 revolver, Lima ka buhing bala dugang pa ang usa ka .38 revolver nga dunay upat ka mga buhing bala ingon man ang usa ka .45 STI EDGE STI International Inc. Austin TX USA kauban ang usa ka magazine nga loaded usab ug bala. Nakuha pa sa ilang posisyon ang usa ka Cal.45 COLT MKIV series 80 Colt Government Model nga dunay duha ka mga buhing bala.

Nasayran nga mireport sa kapolisan ang mga residente Barangay Napnapan Pantukan Compostela Valley Province nga dunay presensiya sa mga armadong tawo nga naghimo ug Ideological, Political ug Organizing sa mga tawo. Tungod niini, naghimo gilayon ug koordinasyon ang kapolisan sa mga sakop sa CIDG, 71st Infantry Battalion ug 1101st Maneuver Coy sa 11th Regional Mobile Force Battalion ug gilayon nga gihimong ang operasyon nga pagsikop sa mga hintungdan.

Sa kasamtangan, temporaryong gipriso sa Pantukan Municipal Police Station ang upat ka mga dinakpan samtang giandam na ang kasong pagsupak sa Republict Act 10591 ug Comelec Gunban nga ipasang-at batuk kanila.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -