Cebu City – Naluwas sa rescue team, alas 3 sa kadlawn, Marso 14, ang upat nga ka mga call center agents nga nasaag sa kagabhion sa ilang Trek sa bukirang Barangay sa Sirao, Syudad sa Sugbo.
Gibutyag ni Ramil Ayuman, pangu sa Cebu City Disaster Risk Reduction Management Office nga nadawat ang alarma sa 911 ug gi dispatch sa Cebu City Command Center (C3) alas 11:45 kagabii.
Matod ni Jun Berao, Deputy for Operations sa Cebu City Fire Department nga upat ka oras ang ilang gilakaw pagsubay sa nahimutangan sa mga mountaineers.
Nagkanayon si Berao nga ang Team 3 maoy personal nga naka kita sa grupo human sa ilang pag upstream sa sapa, diin didto kilid sa usa ka falls nagpagabii ang upat the trekker.
Si Ian Bustamante, Call Center Agent, usa sa mga naluwas mibutyag nga migikan ang ilang grupo alas 3 sa hapon Marso 13.
Nianang pagka alas 6 na sa gabii, ngitngit na ang dan, pero mipadayon gihapon sila pagtrail.
Pagka alas 8 na sa gabii misugyot siya nga dili na lang mipadayon sa ilang lakaw kay lisod na ang dan.
Nagkanayon si Bustamante nga ilang guide nga sweto sa lugar, dili maka kita kon ngitngit na labi na nga wa silay dalang flashlight o headlamp.
Gibati na sila (trekker) ug katugnaw human manga basa kay mi-uwan sab niadtong higayona.
Gi-angkon ni Bustamante nga lesson learned to nila nga lisod ang ilang gipili nga trail, kay matod pa mas lingaw ang lisod.
Dugang niya nga wala pa gyud silay kompleto nga gamit. (Jhon Tadlip/JTY)
(News & photo courtesy of Cebu City Disaster Risk Reduction Management Office – Cebu City)
