Hangop nga misugat ang mga katawhan sa Sitio Kyumad, Barangay Amsipit Maasim Sarangani Province. Kini human gilusad banda alas 11 ang takna sa buntag petsa 13, 2021 sa bugnaw ug nindot nga mala paraisong dapit diin 90 porsyento sa mga lumolopyo niini ang mga indigenous People nga mga tribong Blaan sa probinsya.
Ang pahigayon ug libreng medical check up ug lain laing mga tambal ug vitamins ang libreng gihatag sa kongresista diin gikalipay pag ayo sa mga tawo gumikan sa lisod sumala pa kanila ang maka naog para lang magpacheck-up lakip na ang kawad on maoy hinongdan nga dili sila maka patambal gilayon gumikan sa kanihit sa ilang pangita bunga usab niining kasamtangang pandemya.
Mokabat sa 5,000 ka mga residente ang na serbisyohan sa kongresista diin giubanan pa gayud niya kini ug food packs ug libreng gupit alang sa mga bata, feeding program ug libreng tsinelas. Nakig-alayon usab ang ubang ahensya sama sa Police Regional Office 12, Task Force ELCAC, 38th Infantry Battalion sa Philippine Army.
Sumala pa ni Congressman Ruel Pacquiao nga doul sa iyang kasing kasing ang mga IP’s hinungdan nganong iyang gisiguro nga mabisita sa iyang mga programa ang mga taga Sitio Kyumad, Brgy. Amsipit Maasim. Kahinumduman nga una nang nakapahigayon ang kongresista sa iyang ronda probinsya sa lain laing mga munisipyo sa probinsya sa Sarangani.
Lauman matud pa ang iyang walay hunong nga pag pahigayon sa iyang ronda probinsya sa tibouk Sarangani Province. (Cris Legaspi, RPN DXDX GenSan OIC)