Nakigpulong sa amahan ning dakbayan sa Dipolog ang mga opisyales sa United Architects of the Philippines (UAP) Dipolog Chapter nga gipanguluhan ni Architect James B. Neri II, aron maipadayag ang mga plano sa maong organisasyon alang sa ilang mamahimong ikaalagad sa kalamboan ning syudad.
Ug usab, gihangyo ni Mayor Darel Uy yang UAP Dipolog nga magpadayong makigtambayayong sa lokal nga pangagamhanan aron matuman ang mga pipila ka mga programang imprastrakturang gikinahanglan sa urban development lakip na ang hapsay, hamugaway, ug linaw nga puloy-anan diri sa dakbayan.
Gipasundayag sa maong grupo nga nanghinaot silang magamit sa kagamhanang lokal ang ilang kahibalo ug kahanas sa paghimo ug mga disenyo nga makatabang sa pagpanerbisyo sa mga Dipolognon.
(OIC Lyza Bautista, RPN DXKD Dipolog)
(Photo Credits to Mayor Darel Uy)