Naragsak ni Gobernador Matthew J. Marcos Manotoc a nangipakaammo nga adda dagiti turista a simrek a sigud ditoy probinsia apaman a nalukatan ti Ilocos Norte para kadagiti turista manipud iti nadumaduma a paset ti pagilian nangnangruna kadagiti adda iti babaen iti General Community Quarantine wenno GCQ ken iti Modified General Community Quarantine wenno MECQ.
Dagiti agkalikagum nga sumrek ditoy Ilocos Norte ket nasken surotenda dagiti pagalagadan nga inturang ti opisina ti Ilocos Norte Tourism.
Mamati a maysa daytoy a positibo a pagilasinan iti napintas a panaglukat ti turismo ditoy probinsia.
Nupay kasta, inannugotna nga adda ti panagdanagna gapu ta ngumatngato ti kaso ti COVID-19 kadagiti kabangibang a probinsia kas iti Ilocos Sur, Cagayan ken Abra.
Inlawlawagna a no ar-arigen ket immuna ti probinsia a naapektaran ti “Delta variant” rason nga iti agdama ket naluklukay ti situasyon iti probinsia.
Mainaig iti daytoy, nagpalagip ti gobernador a liklikan ti agbalin a kampante ngem ketdi suroten latta dagiti pagalagadan unay.
Innayonna nga inpaganetgetna kadagiti agbanbantay kadagiti nagbedngan ti probinsia nga agridam agsipud ta nakana ti epektona kadagiti kabangibang a probinsia.
(Source: Provincial Government of Ilocos Norte)