Nakapasok na sa Philippine Area of Responsibility (PAR) ang Bagyong Queenie may international name na Kong-rey.
Pinangalanan ito ng Philippine Atmospheric, Geophysical and Astronomical Services Administration (PAGASA) na Queenie at pang 17 bagyo na sa taong ito.
Ang Bagyong Queenie ay pinakahuling namataan sa layong 1,300 kilometro silangan ng Central Luzon.
Ang nasabing bagyo ay may lakas ng hanging umaabot sa 160 kilometro kada oras malapit sa gitna at may pagbugso na umaabot sa 195 kilometro kada oras.
Ang Bagyong Queenie ay kumikilos pa hilagang kanluran sa bilis na 15 kilometro kada oras.