34 C
Manila
Tuesday, April 16, 2024

Tulo Ka Mga Nagkadaiyang Kaso, Nasang-at Na Sa City Prosecutor’s Office

- Advertisement -

Tulo ka mga kaso sa inquest proceedings ang nasang-at sa may alas 2 sa kahapunon Disyembre 31, 2018 sa Surigao City prosecutor’s office nga gidawat ug gi-administer ni Atty. Juan Francis Alas-Esmero ang prosecutor 1.

Unang kaso mao ang physical injury nga gisang-at ni investigator on case PO2 Alain Bustillo batok sa duha  ka mga suspetsado nga sila James Tapayan, 23 anyos, single ug Joel Jacob, 18 anyos, single ug parehong mga residente sa Purok-5, Brgy. Canlanipa dakbayan sa Surigao.

Kun mahidumduman, ang naasoy’ng mga suspetsado maoy responsible sa nahitabong kagubot atol sa ilang disco sa barangay gym sa ilang lugar sayo sa kaadlawon niadtong Disyembre 30, 2018. Ug sila usab ang mga suspek maoy gi-tumbok nga namunal ug basiyo sa botelya, namun-og sa pipila ka mga tawo niadtong tungura nga mi-resulta sa ilang pagka-sikop.

Ang ikaduhang kaso mao ang alarm and scandal batok sa suspek nga si Roland Meñosa, 23 anyos, naay ka live-in partner, usa ka driver ug nagpuyo sa Navarro St., Brgy. Taft dakbayan sa Surigao. Kun mahinumduman, si Meñosa gisikop sa kapulisan human nga nagwala ug nagpaboto og armas sa ilang boarding house sayo sa buntag niadtong Disyembre 30, 2018.

Ug ang ikatulong kaso mao ang attempted homicide nga gisang-at ni investigator on case SPO1 Johans Castillo batok sa suspek nga si Mark Dave Pingal, 23 antos, ulitawo, walay trabaho ug nagpuyo sa Purok- 8, Navalca, Brgy. San Juan dakbayan sa Surigao. Subay sa report, ang nahisgutang suspetsado maoy midunggab sa iyang “step father” nga si Armando Mapa, 54 anyos ug nagpuyo sa parehong lugar, sayo sa buntag niadtong Disyembre 30, 2018 nga miresulta isab sa pagkasikop sa maong suspetsado.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -