Iriga City — Naghahagad ngunian nin plaso an Tubig-Nabua nin tulo hasta sa limang taon tanganing maresolberan an grabing problema sa inumon na tubig sa banwaan nin Nabua Camarines Sur.
Iyo ini an nagin pahayag ni Mr. Philip Bitao,an pamayo kan consumer division kan Tubig-Nabua na ngunian iyo an nagpapadalagan kan dating Nabua Water District (NAWAD) matapos na maglaog sa sarong kontrata.
Sigun ki Bitao, apat na bulan pa sana sinda poon kan bulan na Mayo asin dai mabibigla an mga problema sa inumon na tubig.
Alagad sa ngunian dagos na nindang pinupunan na resolberan an mga problema ini sa mga pumping station pasiring sa mga linya sa paagui kan paglinig asin pagsalida kan mga gamit na igua nan in diperensya.
Ginagastos kan Tubig-Nabua an saindang ilinaog na pondo na maabot sa 600 milyones pesos.
Sa laog kan tulo hasta sa limang taon, cierto ng magigin malinig asin bastante an supply nin tubig sa 42 na barangay kan sinambit ng banwaan.
Inot kaini, mas grabe soboot an problema sa inumon na tubig na tubig na naka-abot na sa sangguniang bayan sa paagui nin inquiry.
Pinag-depensa kan opisyal an nangyayari ngunian sa Tubig Nabua na nasa transistion plan na kayang resolberan, alagad sa paagui kan luway-luway na proseso bastang segurado.
(OIC Melvin F. Barayoga, RPN DZKI Iriga)
(Source: Nabua Water District (NAWAD))
