Gitawag ang maong inisyatibo nga USBONG kon Unang Simula sa mga Bagong Opisyal na Nagpapatatag ng Gobyerno. Tumong sa maong programa nga itapok ang mga tulunghaan nga kolehiyo og unibersidad sa syudad, ilabi na ang wala pay representasyon sa maong organisasyon og masuta ang sagad nga hagit sa mga student-officials sa panahon sa new normal hinungdan sa nagpabiling bahad sa coronavirus disease.
Gitakda ang maong webinar sa Setyembre 26, 2020, kung diin pagahisgutan sa mga kabataan ang pagpalambo sa ilang kaugalingon pinaagi sa topikong “Positivity In Me” ni Trina Catolico-San Pascual; samtang palambuon ang ilang leadership skill sa mga topikong FESO101 ni Helemer Potestad nga kanhi pangulo sa FESO GenSan, Presidents Forum ni JOHN SALVADOR DEMDAM nga kasamtangang pangulo sa SK Federation sa syudad, Secretaries Forum ni EMMANUEL CRISMAS nga usa ka volunteer sa National Youth Commission og Secretary General sa One Mindanao Youth Parliament, og ang Basic Parliamentary Rules and Proceedings nga ihatag ni BRAYAN EZRA CAINGLET-GONZALES nga kasamtangang pangulo sa National Society of Parliamentarians Inc.; nga tanan mga kabataan nga nagtubo sa Mindanao og adunay mga adbokasiya nga gisuportahan.
Naglaom si MICHAEL JOHN DAYONDON, kasamtangang panulo sa FESO GenSan, nga ang USBONG 2020 makapunla og motibasyon og kadasig sa mga kabataang lideres sa nagkadaiyang tulunghaan nga atbangan ang hagit sa kasamtangang sitwasyon, makaangkon og pagsalig sa kaugalingon og pag-abli sa masdako nga oportunidad nga magtinabangay pinaagi sa pagbinayluay og mga ideya og maayong nga pulong ilabi na sa hisgutanabg pagbalanse sa katungdanan og pagtungha.
Padayon sa kasamtangan ang panawagan sa FESO ngadto sa mga administrador og student services office sa mga tertiary education institutions sa syudad nga awhagot og tugutan ang ilang mga magtutungha nga musalmot sa maong webinar.
Mamahimong magpadala og mensahe lakip ang intensyon sa Federation of Student Organizations General Santos sa Facebook.
Lakip ang General Santos City Federation of Student Organizations sa mga organisasyong rehistrado sa Youth Organization Registration Program o YORP sa National Youth Commission og member-organization usab sa General Santos City Youth Development Council nga gipanguluhan sa SK Federation President sa syudad.
Sa pikas bahin, ang inisyatibong programa sa FESO suportado sa LGU GenSan pinaagi sa Youth Affairs and Development Office kon YADO, General Santos City Sangguniang Kabataan Federation, og sa inyong sibihanan.
(Leo Martin Cellan, RPN DXDX RADYO RONDA 693 GENSAN)
