Radio Philippines Network
DXDX GenSan News Provincial News

Tricycle lisod pang tanggalon sa National Highway-Mayor Rivera

General Santos City–Aminado si Gensan City Mayor Ronnel Rivera nga sa pagkakaron dili pa kayang walaon ang mga tricycle sa syudad nga moagi sa may National Hi-Way bisan pa man nga gimando na kini sa DILG National Office nga bawal gyud ang tricycle sa National Hi-Way.

Sumala pa sa mayor nga ang ilang hatagan gayud ug prayoridad ang kaayuhan sa katawhan gumikan kay ang lokal nga panggamhanan ang nakabalo kung unsa ang sitwasyon sa dagan sa transportasyon ug sumala pa niini nga wala siyay problema kung tanggalon ang tricycle sa hi-way.

Saysay usab ni Mayor Rivera nga kulang gayud ang transportasyon sa syudad nga maoy magdala sa mga estudyante ug mga trabahante padulong sa ilahang eskwelahan ug trabahoan.

Pagpaklaro usab ni Mayor Ronnel Rivera nga basi sa iyang nakita ug sa iyang obserbasyon nga sa pagkakaron dili pa gayud kaya sa syudad nga walay traysikel sa hi-way gumikan kay dako kining matabang sa katawhan ilabi na kadtong nagadali sa ilahang paadtuan nga lugar.

Nanghinaot na lamang ang mayor nga masabtan sa katawhan ilabi na kadtong nagtuo nga tanggalon na gayud ang traysikel sa hi-way apan gipaniguro niini nga ilahang himoon kung unsa ang maayo aron mahatagan ug saktong agianan ang mga tricycle hinungdan nga naghimo sila ug alternatibong dalan sa may apopong ug ang paghimo ug tulay sa may Bulaong Terminal.

Related posts

Lalaki Nga Dunay Kasong Rape Sikop Sa Oplan Manhunt Charlie Sa Kapolisan

RPN

Suspetsado Sa Shoplifting Nan Lotion Suyod Sa Metro Surigao Arestado

RPN

Stop Fake News On Lockdown, Negocc Remains Under MGCQ

RPN