30 C
Manila
Friday, March 29, 2024

Tricities Mipadayon Sa Pagpabakuna Sa Mga Senior Citizens Karong Adlawa

- Advertisement -




Cebu City – Gipadayon ang pagpamakuna sa kagamhanan sa dakbayan sa Sugbo, Mandaue  ug Lapu-Lapu sa mga edaran karong adlawa.

Apan tungod sa limitadong supply, kutob ra sa Biyernes, Mayo 21, ang anti-covid 19 vaccination.

Sa advisory, kadto lang narehistro ug naisyuhan og vaccine schedule cards ang ilang atimanon.

Matod ni Cebu City Vice Mayor Michael Rama nga duna lay 5,000 doses sa Pfizer alang sa syudad sa karon nga hugna.

Ganinang buntag gilusad sab ang bag-ong vaccination site sa Syudad sa Sugbo ug ang Ceremonial Vaccination sa Pfizer-BioNTech sa Senior High Campus sa University of Cebu.

Sa Mandaue city, gipahigayon ang pagpamakuna sa mga senior citizens sa Mandaue City Cultural and Sports Complex ug sa University of Cebu Lapu-Lapu-Mandaue (UCLM) sa Brgy. Looc.

Kadtong mga walk-ins o moduol lang aron pagpabakuna dili nila tagdon.

Subay niini, gidasig ang tanan sa pagkooperar alang sa kahapsay ug kaluwasan sa inoculation day.

Gitambagan ang mga Mandawehanon sa pagparehistrodaan sa internet o sa  barangay para maisyuhan silag vaccine schedule card.

Giawhag usab ang mga edaran sa pagda sa ilang ID, ballpen ug gamayng snacks sa vaccination site.

Sa nasayran, nagsugod ang gobyerno sa Mandaue sa pagpamakuna sa mga senior citizens niadtong Abril apan gihunong dihang nahutdan og bakuna.

Sa Lapu-Lapu dunay tulo ka mga vaccination sites nga anaa mahimutang sa Barangay Gun-ob, Agus ug sa Olango nga pulos gituyo pagbutang dool sa mga tambalanan.  (Jhon Tadlip/JTY)

(Sources: Cebu City, Mandaue ug Lapu-Lapu Public Information Offices, photo courtesy of Mandaue City Public Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -