- Advertisement -
Naghangyo na usab ang pamunoan ug personahe sa Northern Mindanao Medical Center (NMMC) sa kooperasyon sa katawhan diha sa pagsunod sa minimum public health standards ilabina nga nagsaka na ang kaso sa mga nataptan sa COVID 19 ning syudad.
Sa mensahe ni Dr. Bernard Julius Rocha, liaison officer sa NMMC, iyang gipadayag ang kabalaka nga mo-collapse ang health system sa maong hospital sanglit kapin sa 100 ka mga pasyente na ang anaa sa ilang Emerging and Re-emerging Infectious Disease (EREID) enclosure wards.
Busa hugot ang panawagan sa NMMC sa kooperasyon sa katawhan aron mapugngan na ang paspas nga pagsaka sa ihap sa mga nataptan ug pagtawag sa ilang telekonsulta numbers kung adunay mga balatian. (ACM)
- Advertisement -