Gisugat ug kabalaka ang daghang pasahero sa barko nga Trans Asia 18 human kini mibalik sa Cebu tungod sa problema sa makina kagabii, Agosto 29, 2025.
Ang barko milarga gikan sa Pantalan sa Cebu pasado alas-7 sa gabii padulong unta sa Ozamis ug Iligan, apan pagkahuman sa pipila ka oras sa kadagatan, gipahibalo ang mga pasahero nga adunay aberya ang makina ug kinahanglan nga dili ipadayon ang biyahe.
Alas-12:20 sa tungang gabii, gisuportahan sa mga tripulante ang desisyon nga ibalik ang barko sa Cebu aron masiguro ang kaluwasan sa tanan. Nagpundo kini sa dagat pasado alas-2 sa kadlawon aron masusi ug mapahuway ang makina.
Ang Trans Asia mihatag og full refund sa ilang pamasahe.
Padayon pa usab ang imbestigasyon kalabot sa maong panghitabo ug giseguro ang kaluwasan sa tanang pasahero ug tripulante.
I via Renante Socia Lada