Pormal nang gibuksan ang Trade Fair and Exhibit niadtong Pebrero 22, 2019 pasado alas 2 sa kahapunon nga anaa gipahimutang sa gawas nga bahin sa Provincial Gymnasium diin ubay-ubay nga mga local producers ang nag-pakita sa ilang mga produkto. Ang maong Trade Fair and Exhibit gidungan sa 22nd Caraga Athletic Association – Regional Sports Competition nga diin ang dakbayan sa Surigao ug ang probinsiya mao ang host sa pag-panguna ni City Mayor Ernesto Matugas ug usab ang 100% suportang tabang sa probinsiya ubos na sa liderato ni Gov. Sol Matugas.
Mipaabot si Gov. Sol Matugas sa iyang pasalamat sa tanang mga mi-partisipar sa maong Trade Fair and Exhibit nga dungan sa Regional Sports Competition nga diin matod pa niini nga ang mga bisita makapalit ug makakita sa mga produktong garbo nan mga Surigaonon. Mipasalamat usab kini sa tanang mga mitabang sa maong pag-bukas sa Trade Fair and Exhibit.
Mihatag usab ug pasalamat si Ms. Concepcion “Cioney” Paqueo, an Eastern Mindanao Regional Governor sa PCCI, diin gi abi-abi niini ang tanang mga bisita gikan na sa mga local producers sa pag-tambong ug pag-suporta sa exhibit, ug usab pasalamat sa mga opisyales, BOD sa SCCI, mga opisyales sa DepED Province ug City Division ug uban pa.